დიოსკურია ძველბერძნული ქალაქია, მრავალი საუკუნის წინ წყალში ჩაძირული. ნაშთის ნაწილს სოხუმის სანაპიროზე შემოხვდებით. დროდადრო სათევზაო გემებს თევზებთან ერთად სხვადასხვა სახის მრავალი საუკუნის წინანდელი ისტორიული არტეფაქტები ამოაქვთ, მაგრამ თვითონ ადგილი არ უკვლევიათ.
საბჭოთა დროს დიოსკურიის შესასწავლად გარკვეული მცდელობა იყო და იმ ადგილის ძებნაც დაწყებული ჰქონდათ, სადაც ადრე საფლავის მარმარილოს ქვაზე გამოსახული ორი ქალი აღამოაჩინეს, თუმცა, ღირებული ვერაფერი იპოვეს.
უკანასკნელი 30 წლის განმავლობაში ადგილობივი მეცნიერები დიოსკურიით ინტერესდებოდნენ, მაგრამ ტექნიკური და ფინანსური მხარდაჭერის გარეშე ვერ გამოიკვლიეს.
რაც შეეხება თვითონ ქალაქს.
ბერძნული დიოსკურია მსხვილი სავაჭრო ცენტრი იყო და როგორც მეცნიერები ამტკიცებდნენ, ჩვენს ერამდე V-IV საუკუნეებში უკვე არსებობდა. ბერძნებმა ქალაქი ძველბერძნულ ქალაქ მილეტას ადგილას დაარსეს და სახელი რამდენჯერმე შეიცვალა. მაგალითად, რომაელები სებასტოპოლისს უწოდებდნენ, მოგვიანებით ქალაქს ცხუმად მოიხსენებდნენ. უნდა აღინიშნოს, რომ დიოსკურიის შესახებ ცოტა მასალა მოიპოვება, ისტორიკოსებისთვის კი მუდმივ საკამთო თემად იქცა. წყალში ჩაძირვის მიზეზადაც განსხვავებული ვერსიები სახელდება. მეცნიერების ერთი ნაწილი ამტკიცებს, რომ ქალაქი მეწყერის გამო ჩაიძირა, მეორე ნაწილი კი ჩაძირვის მთავარ მიზეზად მიწისძვრას ასახელებს.
დღეს დიოსკურიის ნანგრევები არქიტექტურულ ძეგლად და ტურისტების საყვარელ ადგილად ითვლება.
ავტორის მიერ მომზადებული ტექსტი განთავსებულია უცვლელად. გამოყენებული ტერმინები, ტოპონიმები, გამოთქმული შეხედულებები, მოსაზრებები ეკუთვნის ავტორს და შესაძლოა, ორგანიზაციის მოსაზრებებს არ ემთხვეოდეს.
სიძულვილის ენის შემცველი, შეურაცხმყოფელი და არაეთიკური კომენტარები წაიშლება.