პოლიმერული თიხა ინტერნეტში შვილის - ლაშას დამსახურებით იპოვა. მისთვის ფერად თიხას ეძებდა, რომ „ფიმო"(fimo) აღმოაჩინა. აქვე იყო ამ მასალისგან დამზადებული სათამაშოები, სხვადასხვა ნაკეთობა ულამაზესი ფერებითა და ფაქტურით. გულგრილი ვერ დარჩა. გაჩნდა ახალი იდეები, ენთუზიაზმი...
"ასე დაიწყო "ჩემი თავგადასავალი" პოლიმერული თიხის სამყაროში".
თიხის დამუშავება, სხვადასხვა ნივთის გაკეთება, ინტერნეტში ისწავლა. როგორც თავად ამბობს: "თუ ადამიანს ძერწვა ოდნავ მაინც ეხერხება, თიხასთან მუშაობა არ გაუჭირდება".
ირენას თიხასთან მუშაობა არ გასჭირვებია, პირიქით, მისთვის ეს თავისუფალი შემოქმედებად, საინტერესო და ემოციურ პროცესად იქცა.
თავდაპირველად თიხის რამდენიმე ფერი შეიძინა მხოლოდ საცდელად, თუმცა, პირველივე ნამუშევრით - ბეჭედი გემის რელიეფით კმაყოფილი დარჩა. ნელ-ნელა უკეთესად გაერკვა, თიხასთან მეგობრობა საინტერესო და საპასუხისმგებლო გახდა.
"გავერკვიე, როგორ უნდა "ასუნთქო" თიხა, სანამ ძერწვას დაიწყებ, კარგად უნდა დაარბილო, დაამუშავო, წინააღმდეგ შემთხვევაში ნაკეთობა შეიძლება დაზიანდეს ცხობის დროს. ღუმელში გამოცხობასაც თავისი წესები აქვს, დაახლოებით 15 წუთიდან 30 წუთამდე, ეს დამოკიდებულია ნაკეთობის ზომაზე, მაქსიმალური ტემპერატურა ცხობისას 110 გრადუსია. დიდხანს ღუმელში დატოვებაც არ შეიძლება, თიხა შეიძლება, დასკდეს. გამოცხობის შემდეგ, ნაკეთობას გაციება უნდა აცალო, მერე სურვილისამებრ შეიძლება აკრილის საღებავით მოხატო, ან ლაქით დაფარო" - გვიყვება ირენა.
IrenDesign Handmade - სახელწოდება სპონტანურად გაჩნდა, თუმცა, ავტორის თქმით, ზუსტად გამოხატავს იმას, რასაც ქმნის. ნამუშევრები უცხო და მრავალფეროვანია. სხვადასხვა დიზაინის სამკაულები: ბეჭედი, საყურეები, გულსაკიდები, ასევე ბრელოკები, სუვენირები და დეკორატიული ნივთები.
ყველაზე მეტად უყვარს, როდესაც ბეჭედს აკეთებს. ამბობს, რომ მისი საყვარელი სამკაული, ბეჭედია და ყოველთვის ცდილობს, ისეთი გააკეთოს, როგორსაც თავადაც სიამოვნებით ატარებდა. გული სწყდება, როდესაც თავის ნამუშევრებთან განშორება უწევს. შეკვეთას ხშირად იღებს. ყოველთვის ითვალისწინებს დამკვეთის სურვილებს, მაგრამ თავისუფლებას არასოდეს კარგავს, ყოველ ნაკეთობაში ინტუიციასა და იმ წუთებში განცდილ ემოციას დებს.
ირენა მახარაძის ხელნაკეთი ნივთები პოპულარული "ფეისბუკისა“ და ბლოგის საშუალებით გახდა.
"M library" წარწერით მინიატურული წიგნი მეუღლისათვის ერთ-ერთი ნამუშევარია, რომელმაც არამარტო მეგობრების, არამედ უამრავი უცხო ადამიანის მოწონება დაიმსახურა. ამ და სხვა თიხის ნაკეთობების ფოტოების გამოქვეყნებას გამოხმაურება მოჰყვა მაღაზიებიდან, გალერეებიდან, სხვადასხვა კომპანიიდან.
გულსაკიდი წიგნების იდეა მისი მოგონილი არაა. ირენას აზრით, ეს გლობალური ტენდენციაა. მსოფლიოში უამრავი დიზაინერი აკეთებს ტყავის, ქაღალდის, ნაჭრის, თიხის, ლითონის ციცქნა წიგნებს. მასაც ძალიან მოსწონს იდეა და სიამოვნებით ხდება ავტორი თიხისა და ლითონის პატარა მინიატურული წიგნებისა.
ახალგაზრდა შემოქმედის გატაცება მხოლოდ პოლიმერულ თიხაზე მუშაობა არ არის.
უყვარს კულინარიული ექსპერიმენტები, ქსოვა, რომელიც დედისგან ისწავლა, ლიტერატურა, მუსიკა, ფილმები. ყველაფერს ისევ და ისევ თიხასთან და ფერად საღებავებთან მიჰყავს. შემოქმედებით გავლენას ყველაზე მეტად ვუდი ალენის ფილმები ახდენს.
"ასე დაიწყო "ჩემი თავგადასავალი" პოლიმერული თიხის სამყაროში".
თიხის დამუშავება, სხვადასხვა ნივთის გაკეთება, ინტერნეტში ისწავლა. როგორც თავად ამბობს: "თუ ადამიანს ძერწვა ოდნავ მაინც ეხერხება, თიხასთან მუშაობა არ გაუჭირდება".
ირენას თიხასთან მუშაობა არ გასჭირვებია, პირიქით, მისთვის ეს თავისუფალი შემოქმედებად, საინტერესო და ემოციურ პროცესად იქცა.
თავდაპირველად თიხის რამდენიმე ფერი შეიძინა მხოლოდ საცდელად, თუმცა, პირველივე ნამუშევრით - ბეჭედი გემის რელიეფით კმაყოფილი დარჩა. ნელ-ნელა უკეთესად გაერკვა, თიხასთან მეგობრობა საინტერესო და საპასუხისმგებლო გახდა.
"გავერკვიე, როგორ უნდა "ასუნთქო" თიხა, სანამ ძერწვას დაიწყებ, კარგად უნდა დაარბილო, დაამუშავო, წინააღმდეგ შემთხვევაში ნაკეთობა შეიძლება დაზიანდეს ცხობის დროს. ღუმელში გამოცხობასაც თავისი წესები აქვს, დაახლოებით 15 წუთიდან 30 წუთამდე, ეს დამოკიდებულია ნაკეთობის ზომაზე, მაქსიმალური ტემპერატურა ცხობისას 110 გრადუსია. დიდხანს ღუმელში დატოვებაც არ შეიძლება, თიხა შეიძლება, დასკდეს. გამოცხობის შემდეგ, ნაკეთობას გაციება უნდა აცალო, მერე სურვილისამებრ შეიძლება აკრილის საღებავით მოხატო, ან ლაქით დაფარო" - გვიყვება ირენა.
IrenDesign Handmade - სახელწოდება სპონტანურად გაჩნდა, თუმცა, ავტორის თქმით, ზუსტად გამოხატავს იმას, რასაც ქმნის. ნამუშევრები უცხო და მრავალფეროვანია. სხვადასხვა დიზაინის სამკაულები: ბეჭედი, საყურეები, გულსაკიდები, ასევე ბრელოკები, სუვენირები და დეკორატიული ნივთები.
ყველაზე მეტად უყვარს, როდესაც ბეჭედს აკეთებს. ამბობს, რომ მისი საყვარელი სამკაული, ბეჭედია და ყოველთვის ცდილობს, ისეთი გააკეთოს, როგორსაც თავადაც სიამოვნებით ატარებდა. გული სწყდება, როდესაც თავის ნამუშევრებთან განშორება უწევს. შეკვეთას ხშირად იღებს. ყოველთვის ითვალისწინებს დამკვეთის სურვილებს, მაგრამ თავისუფლებას არასოდეს კარგავს, ყოველ ნაკეთობაში ინტუიციასა და იმ წუთებში განცდილ ემოციას დებს.
ირენა მახარაძის ხელნაკეთი ნივთები პოპულარული "ფეისბუკისა“ და ბლოგის საშუალებით გახდა.
"M library" წარწერით მინიატურული წიგნი მეუღლისათვის ერთ-ერთი ნამუშევარია, რომელმაც არამარტო მეგობრების, არამედ უამრავი უცხო ადამიანის მოწონება დაიმსახურა. ამ და სხვა თიხის ნაკეთობების ფოტოების გამოქვეყნებას გამოხმაურება მოჰყვა მაღაზიებიდან, გალერეებიდან, სხვადასხვა კომპანიიდან.
გულსაკიდი წიგნების იდეა მისი მოგონილი არაა. ირენას აზრით, ეს გლობალური ტენდენციაა. მსოფლიოში უამრავი დიზაინერი აკეთებს ტყავის, ქაღალდის, ნაჭრის, თიხის, ლითონის ციცქნა წიგნებს. მასაც ძალიან მოსწონს იდეა და სიამოვნებით ხდება ავტორი თიხისა და ლითონის პატარა მინიატურული წიგნებისა.
ახალგაზრდა შემოქმედის გატაცება მხოლოდ პოლიმერულ თიხაზე მუშაობა არ არის.
უყვარს კულინარიული ექსპერიმენტები, ქსოვა, რომელიც დედისგან ისწავლა, ლიტერატურა, მუსიკა, ფილმები. ყველაფერს ისევ და ისევ თიხასთან და ფერად საღებავებთან მიჰყავს. შემოქმედებით გავლენას ყველაზე მეტად ვუდი ალენის ფილმები ახდენს.
