"ფოტოსაშრობი ცხინვალში"

ცხინვალში ფოტოექსპოზიცია სახელწოდებით „ფოტოსაშრობი“ მეოთხედ გაიმართა. მსურველებს შეეძლოთ მათ მიერ გადაღებული ფოტოები მოეტანათ და სამაგიეროდ ის წაეღოთ, რომელიც მოეწონებოდათ. ტრადიციის მიხედვით მასალებს თეთრი სარჭებით თოკზე კიდებენ.

For English version click here - link.
იხილეთ ფოტოისტორიის ფეისბუკის ლინკი.

„ფოტოსაშრობის“ მონაწილეებმა და ორგანიზატორებმა საკუთარი შთაბეჭდილებები გაგვიზიარეს. წლიდან წლამდე იზრდებოდა იმ ადამიანების რაოდენობა, რომლებსაც ნამუშევრების გასაჯაროება სურდათ.

მიმდინარე წელს გამოფენის თემა დიდი გამარჯვების 75 წლისთავი იყო, თუმცა, მონაწილეებს მოუწოდეს, ჟანრსა და თემატიკაში თავი არ შეეზღუდათ. უცვლელია მხოლოდ ერთი წესი, მიუღებელია ძალადობისა და სისასტიკის ამსახველი ფოტოების წარდგენა, ასევე, ტაბუ შიშველ ფოტოგრაფიასაც ადევს.

საღამო კიდევ უფრო სასიამოვნოდ ახალგაზრდა მუსიკოსებმა აქციეს, რომლებიც დამთვალიერებლებისთვის ცოცხალ მუსიკას ასრულებდნენ.

პროექტს „ფოტოისტორიები „რეგიონიდან““ თავისუფალი ასოციაცია ფრიდრიხ ებერტის ფონდის მხარდაჭერით ახორციელებს.
ფოტოისტორიებში გამოთქმული შეხედულებები ეკუთვნის ავტორს და შესაძლოა, ფრიდრიხ ებერტის ფონდის, ან თავისუფალი ასოციაციის მოსაზრებებს არ ემთხვეოდეს.

სიძულვილის ენის შემცველი, შეურაცხმყოფელი და არაეთიკური კომენტარები წაიშლება.