„ჩვენ ვართ ახალგაზრდული ჯგუფი, რომლებიც ჩვენს აზრს ყოველთვის დამოუკიდებლად გამოვხატავთ და არ ვართ რომელიმე პარტიაზე ან არასამთავროზე დამოკიდებულნი“ - აცხადებს ორგანიზაციის ლიდერი ვაკო ფაჟავა.
ჯგუფის მიზანია, გაესაუბრონ ყველა საპრეზიდენტო კანდიდატს, რათა ის პრობლემები გააცნონ, რაც დევნილებს ეხება და სამომავლოდ გაითვალისწინონ.
„მოლაპარაკებებს ვაწარმოებთ, ჯერჯერობით მხოლოდ ერთმა კანდიდატმა გამოთქვა შეხვედრის სურვილი და იმედი გვაქვს, დანარჩენებიც გამოიჩენენ ჩვენდამი ინტერესს და შეგვხვდებიან, რათა მოისმინონ ახალგაზრდების აზრი და უპასუხონ მათ კითხვებს. ჩვენ უფრო კითხვები გვაქვს მათთან, ვიდრე მოთხოვნები“ - აღნიშნა ორგანიზაციის ლიდერმა.
ახალგაზრდების ინტერესის სფეროში შედის ტერიტორიული მთლიანობის აღდგენის საკითხი, უსაფრთხოების საკითხი, საგარეო პოლიტიკისა და მეზობელ ქვეყნებთან სტრატეგიული თანამშრომლობის საკითხები.
