უკრაინის საელჩოს წინ კიდევ ერთი აქცია გაიმართა, რომელიც უკრაინელი ხალხისადმი სოლიდარობის გამოხატვას ემსახურებოდა.
აქცია არასამთავრობო ორგანიზაცია ,,საქართველოს ახალგაზრდა პოლიტიკოსების" ორგანიზებით ჩატარდა, შემდეგ კი აქციას თავისუფალ უნივერსიტეტთან არსებული დებატკლუბის წევრებიც შეუერთდნენ.
როგორც ჩვენთან საუბრისას ,,საქართველოს ახალგაზრდა პოლიტიკოსების" დამფუძნებელი ქეთევან ონიანი აცადებს: ,,აქციის მთავარი მიზანია, სოლიდარობა გამოვუცხადოთ ჩვენს უკრაინელ მეზობლებსა და მეგობრებს. მათთვის ძალიან მნიშვნელოვანია, იცოდნენ, რომ ჩვენ ვღელავთ მათზე. ისინი ჩვენ გვერდით იდგნენ, როცა ძალიან გვიჭირდა, გავიხსენებ აგვისტოს ომს".
აქცია სპონტანურად დაიგეგმა და ამიტომ 30-მდე ახალგაზრდა ესწრებოდა.
