ივანე ჯავახიშვილის სახელობის თბილისის სახელმწიფო უნივერსიტეტში გერმანული ფილოლოგიის მიმართულების აკადემიური პერსონალისა და ენების ცენტრის მასწავლებლებისთვის სემინარი გაიმართა ქვეყანათმცოდნეობაში.
სემინარზე მსმენელებს მიეწოდათ ინფორმაცია თანამედროვე გერმანული შრომითი ბაზრის შესახებ, განიხილეს ტექსტური, რადიო- და ტელემასალები.
გერმანელმა პედაგოგმა ანა ვაიროხმა ისაუბრა თავის სამშობლოში არსებული ეკონომიკური ზღვარის შესახებ, რამაც განაპირობა დასაქმებულთა და არადასაქმებულთა კატეგორიების სტატისტიკა: "გაირკვა, რომ 2 მილიონ ადამიანზე მეტი უმუშევარია. ეს ისეთი სახელმწიფოსათვის, როგორიც არის გერმანია, შემზარავია".
პრეზენტაციის დასასრულს დისკუსია გაიმართა და ლექტორებმა ამომწურავი პასუხები მიიღეს.
