განათლებისა და მეცნიერების მინისტრი თამარ სანიკიძე დონორების საკოორდინაციო შეხვედრის ფორმატში საქართველოში არსებულ საერთაშორისო, დიპლომატიური და დონორი ორგანიზაციების წარმომადგენლებს შეხვდა.
შეხვედრას ესწრებოდნენ წარმომადგენლები შემდეგი დაწესებულებებიდან: აშშ-ს საელჩო, აშშ-ის საერთაშორისო განვითარების სააგენტო (USAID), ათასწლეულის გამოწვევის ფონდი - საქართველო, ევროკავშირი, მშვიდობის კორპუსი, ამერიკული საბჭოები, მსოფლიო ბანკი, გაეროს განვითრების პროგრამა, გაეროს ბავშვთა ფონდი, საერთაშორისო კვლევისა და გაცვლების საბჭო (IREX), გოეთეს ინსტიტუტი, ფონდი ღია საზოგადოება - საქართველო, GIZ, DAAD და საქართველოს ფრანგული ინსტიტუტი.
შეხვდრის ფარგლებში ორგანიზაციების წარმომადგენლებმა ისაუბრეს 2013 წლის სამოქმედო პრიორიტეტებზე და შეაჯამეს უკვე განხორციელებული პროექტები. ასევე თითოეული ორგანიზაციის წარმომადგენელმა პრეზენტაცია გააკეთა 2014 წლის პრიორიტეტებზე და განისაზღვრა ის სფეროები, სადაც სასურველი იქნებოდა თანამშრომლობის შემდგომი გაგრძელება.