თბილისის 151-ე საჯარო სკოლაში ვებჟურნალმა "თავისუფალმა ასოციაციამ" პრეზენტაცია გამართა, რომელიც უმაღლესი სასწავლებლების მიმოხილვას ეხებოდა.
პრეზენტაციას "თავისუფალი ასოციაციის" წარმომადგენელი ნუკა კეკელია უძღვებოდა. უფროსკლასელებს საშუალება მიეცათ, მიეღოთ ინფორმაცია უმაღლესი სასწავლებლების სასწავლო პროგრამებისა და მათი პირობების შესახებ. მოსწავლეებმა დასვეს კითხვები, რომლებზეც ნუკა კეკელიამ ამომწურავად უპასუხა: "ამგვარი პრეზენტაციების მიზანია, უფროსკლასელებს მიეწოდოთ, როგორც დადებითი, ისე უარყოფითი ინფორმაცია უნივერსიტეტების შესახებ, ვინაიდან უშუალოდ სასწავლებლების მიერ ჩატარებულ პრეზენტაციებზე აქცენტი მხოლოდ დადებით მხარეზე კეთდება, რაც რეალურ სურათს ვერ ქმნის".
151-ე სკოლაში ჩატარებული პრეზენტაცია ბოლო იყო ვაკე-საბურთალოს მასშტაბით. შემდეგი, სადაც მსგავსი შეხვედრა გაიმართება, გლდანი-ნაძალადევის რაიონი იქნება.
