9 აპრილს დაღუპული გმირების პატივსაცემად თბილისის სახელმწიფო უნივერსიტეტთან ახალგაზრდები შეიკრიბნენ და მსვლელობა მოაწყვეს 9 აპრილის მემორიალისკენ.
აქცია სახელწოდებით - "9 აპრილი - ჩვენი თავისუფლებისთვის" თავისუფალი უნივერსიტეტის სტუდენტის ილო ღლონტის მიმართვით დაიწყო. შემდეგ დროშებით ხელში "საქართველოს გაუმარჯოს" ძახილით პარლამენტის შენობისკენ, 9 აპრილის მემორიალისკენ დაიძრნენ, სადაც სანთლის დანთებითა და ყვავილებით შემკობით სოლიდარობა გამოუცხადეს გმირ თანამემამულეებს.
აქციის ერთ-ერთი ორგანიზატორის გიორგი ჩოჩაშვილის თქმით, "მსვლელობა ემსახურება დაღუპული გმირების ხსოვნას, სოლიდარობას ვუცხადებთ მათ".
"9 აპრილი - ჩვენი თავისუფლებისთვის" ჰიმნით დასრულდა.
მსვლელობის ორგანიზატორი ნიკოლოზ ჩოჩაშვილი მოძრაობის "საქართველო ოკუპაციის გარეშე" წევრია. მოძრაობას შეუერთდნენ სხვადასხვა უნივერსიტეტის სტუდენტი და არასამთავრობო ორგანიზაცია.