თბილისის სახელმწიფო უნივერსიტეტში ახალგაზრდა პოეტის ლევან პირველის პოეზიის საღამო გაიმართა.
ლევან ძამუკაშვილი, იგივე ლევან პირველი დაიბადა 1986 წელს, ლექსებს წერს 21 წლიდან.
"ლევანი არის ახალგაზრდა, ნიჭიერი პოეტი, რომელმაც თავისი შემოქმედება გაგვაცნო დღევანდელ საღამოზე. როგორც თვითონ აღნიშნა, მის ლექსებში ჩანს მისი შინაგანი სამყარო და განცდები. წარმატებებს ვუსურვებ ახალგაზრდა პოეტს" - გვითხრა მსმენელმა დადუნა კუხალაშვილმა.
ლევანმა მისი შემოქმედების თითქმის ყველა ლექსი შესთავაზა აუდიტორიას და აღნიშნა, რომ წერს შინაგან გრძნობებზე. პატრიოტიზმის თემას კი ნაკლებად ეხმიანება მისი შემოქმედება.
