კავკასიის უნივერსიტეტში „კავკასიის უნივერსიტეტის, კავკასიის სამართლის სკოლის კურსდამთავრებულთა ასოციაციის“ პრეზენტაცია გაიმართა.
ასოციაციის წევრები სამართლის სკოლის საბაკალავრო, სამაგისტრო ან სადოქტორო პროგრამის კურსდამთავრებულები არიან.
პრეზენტაციის ფარგლებში ისაუბრეს სტუდენტების, კურსდამთავრებულთა პრობლემებსა და მათ დასაქმებაზე. მოხდა აზრთა გაცვლა, როგორც სტუდენტების, ასევე ასოციაციის მხრიდან.
ასოციაციის წევრმა ნინო ნიკოლაიშვილმა დამსწრე სტუდენტებს გააცნო ასოციაციის მიზნები და ამოცანები. მისი თქმით: „ასოციაციის მიზანია კურსდამთავრებულთა დასაქმება, მათი კავშირების შენარჩუნება, უნივერსიტეტის კურსდამთავრებულთა შორის ურთიერთკავშირის დამყარება. რაც მთავარია, სტუდენტებისთვის ხელშეწყობა სხვადასხვა საგანმანათლებლო პროგრამაში მონაწილეობაზე, ეს იქნება იმიტირებული პროცესი თუ სხვა“.
ასოციაცია აქტიურ საქმიანობას სექტემბრის თვიდან შეუდგება.
