ილიას სახელწიფო უნივერსიტეტის წიგნის მაღაზია "ლიგამუსში" კონკურსის "საუკეთესო ესე - შესავალი თანამედროვე აზროვნებაში" გამარჯვებულთა დაჯილდოება გაიმართა.
სტუდენტებმა საკუთარი ნაშრომები წარმოადგინეს, თითოეული ესეს წარდგენას დებატები და მსჯელობა მოჰყვა თემის გარშემო. დამსწრეებს საშუალება ჰქონდათ, კონკურსანტებისთვის კითხვები დაესვათ.
"უკვე მეორედ ჩავატარეთ ეს კონკურსი. ბაკალავრები პირველ სემესტრში გადიან ამ კურსს იმავე სახელწოდებით. ისინი სწავლობენ დაახლოებით 20 ავტორს, ესენია: პლატონი, მაკიაველი, ნიცშე, კანტი, ილია ჭავჭავაძე, დიმიტრი უზნაძე და სხვ. კონკურსანტები მხოლოდ ჰუმანიტარული ფაკულტეტის სტუდენტები არ არიან, სხვა ფაკულტეტის სტუდენტებიც მონაწილეობენ. ჩვენ მათ ვაწვდით სხვადასხვა ავტორის ტექსტს და ისინი ირჩევენ ერთ-ერთს, შემდეგ წერენ ესეს. სწორედ ესეს დაწერა შემოვიტანეთ შეფასების ერთ-ერთ კომპონენტად. ვფიქრობთ, ამით ხელს ვუწყობთ სტუდენტების აზროვნების განვითარებას. ისინი უკეთ გაიგებენ, რა არის სახელწიფო, რა არის კულტურა, განმანათლებლობა და ა.შ. ეს კონკურსი კიდევ უფრო წაახალისებს სტუდენტებს. გამარჯვებულებს ვასაჩუქრებთ წიგნებით" - აღნიშნა ილიას სახელწიფო უნივერსიტეტის პროფესორმა თენგიზ ვერულავამ.
