პრაიმტაიმის პრესკლუბში საქართველოს სტუდენტთა უფლებების ლიგის სამართლებრივი უზრუნველყოფის დეპარტამენტის წარმომადგენლებმა საგანგებო განცხადება გააკეთეს, კერძოდ, საქართველოს სტუდენტთა უფლებების ლიგის პრეზიდენტ ნოდარ თათვიძეზე, ვიცეპრეზიდენტ ჯაბა ალთუნაშვილსა და ლიგის აქტიურ წევრებზე მიმდინარე ზეწოლის ფაქტების შესახებ.
პრესკონფერენციაზე საქართველოს სტუდენტთა უფლებების ლიგის მრჩეველთა საბჭოს ხელძღვანელმა თინათინ ალთუნაშვილმა განაცხადა: ,,რამდენიმე ხანია, რაც ჩვენი ლიგის წევრებზე სხვადასხვა სახის ზეწოლა ხორციელდება, ხოლო თუ ვინ არიან ეს ადამიანები, ამას დღეს ჩვენ შეგნებულად არ ვასახელებთ, თუმცა, თამამად შეგვიძლია ვთქვათ, რომ ეს ადამიანები წინა ხელისუფლების წარმომადგენლები არიან".
საქართველოს სტუდენტთა უფლებების ლიგის დეპარტამენტის წარმომადგენლებმა ისიც აღნიშნეს, რომ ზეწოლის მთავარი მიზანი არის ლიგის დაშლა, რასაც თავად ლიგის წერები არ დაუშვებენ.
