სინთეზური ხელოვნება - მხატვრის წიგნი ,,ვეფხისტყაოსანი“
26 იანვარი, 2015
სინთეზური ხელოვნება - მხატვრის წიგნი ,,ვეფხისტყაოსანი“ ელფოსტაბეჭდვა FaceBook Twitter
სიმონ ჯანაშიას სახელობის საქართველოს მუზეუმში გამოფენა გაიმართა "სინთეზური ხელოვნება - მხატვრის წიგნი ,,ვეფხისტყაოსანი".

დამთვალიერებლების დიდ ნაწილს ახალგაზრდები შეადგენდნენ. ჩვენთან საუბრისას ერთ-ერთმა დამთვალიერებელმა მარიამ გორგილაძემ განაცხადა: ,,პროფესიით არქიტექტორი ვარ, ამიტომ მსგავსი ღონისძიებებით აქტიურად ვინტერესდები. ეს გამოფენა ძალიან მნიშვნელოვანი და საინტერესოა ჩემთვის, რადგან "ვეფხისტყაოსნის" ახალი ინტერპრეტაციაა. ნახატებში ყველაფერი სხვა კუთხით იყო ნაჩვენები, რაც ნამდვილად არ წარმომედგინა. დიდი მადლობა ორგანიზატორებს ასეთი გამოფენისთვის".

მხატვრის წიგნი სინთეზური ხელოვნების ერთ-ერთი მნიშვნელოვანი ჟანრია. პროექტი მომავალში ითვალისწინებს მხატვრის წიგნების სერიულ გამოშვებას. ამ სერიის პირველ წიგნად შოთა რუსთაველის "ვეფხისტყაოსანი" შეირჩა.

გამოფენაზე წარმოადგინეს თხუთმეტი მხატვრის ორასზე მეტი ნამუშევარი და მხატვრულად გაფორმებული ტექსტი. ავტორთა ინიციატივით ნამუშევრები საქართველოს ეროვნულ მუზეუმის კოლექციებში დაიდებს ბინას.

,,ვეფხისტყაოსნის" მხატვრის წიგნად გარდაქმნაში მონაწილეობა მიიღეს თანამედროვე ქართველმა ხელოვანებმა: გოგი ალექსი-მესხიშვილმა, მიშა გოგრიჭიანმა, თამაზ ვარვარიძემ, თამარ კვესიტაძემ, თამუნა მელიქიშვილმა, ოთარ მურაჩაშვილმა, ია მჭედლიშვილმა, კოტე სულაბერიძემ, მაია სუმბაძემ, ოლეგ ტიმჩენკომ, მამუკა ცეცხლაძემ, რუსუდან ხიზანიშვილმა, უშანგი ხუმარაშვილმა, მამუკა ჯაფარიძემ და თემურ ჯავახიშვილმა. 

სინთეზური ხელოვნება - მხატვრის წიგნი ,,ვეფხისტყაოსანი" "ტაია ფილმის" ინიციატივითა და საქართველოს კულტურისა და ძეგლთა დაცვის სამინისტროს მხარდაჭერით ხორციელდება. სამომავლოდ დაგეგმილია "ვეფხისტყაოსნის" მხატვრის წიგნის ფორმატში გავრცელება და მხატვრების ნამუშევრების პრეზენტაცია-გამოფენების მოწყობა, როგორც საქართველოში, ასევე მის ფარგლებს გარეთ.

გამოკითხვა
თქვენი აზრით, რომელი კერძო უნივერსიტეტი გამოირჩევა სწავლის მაღალი ხარისხით?






Carpet Cleaning Calgary