ილიას სახელმწიფო უნივერსიტეტში სტიქიის შედეგად დაზარალებული ოჯახებისთვის გაიხსნება პირველადი ფსიქოლოგიური დახმარების ცენტრი.
ცენტრი იმუშავებს ყოველდღე შაბათ-კვირის გარდა 11:00-დან 18:00 საათამდე. სერვისის მისაღებად დაინტერესებულმა პირებმა უნდა დარეკონ შემდეგ ნომრებზე: 2223243; 2220548; 2231018.
ამასთან, ილიას სახელმწიფო უნივერსიტეტის კაფეტერია "უნიფუდი" ვაკის რაიონის გამგეობის მეშვეობით 7 დღის განმავლობაში უზრუნველყოფს 70 ადამიანის სრულყოფილ ერთჯერად კვებას; ასევე, უნივერსიტეტი თავის თავზე აიღებს კვებასთან დაკავშირებულ ლოჯისტიკას.
ილიას სახელმწიფო უნივერსიტეტის სამეცნიერო-კვლევით ბაზებზე (დედოფლისწყარო, ყაზბეგი, აბასთუმანი) მოზარდებისთვის გაიმართება ერთკვირიანი საზაფხულო სკოლები. სკოლაში მონაწილე მოზარდებისთვის ილიას სახელმწიფო უნივერსიტეტი სრულად უზრუნველყოფს სამჯერად კვებას, სასწავლო მასალას, ტრანსპორტირებასა და ცხოვრებასთან დაკავშირებულ ხარჯებს.