საქართველოს ეროვნულ მუზეუმში გამოფენა "the body object – ecology of the art" გაიხნა.
გამოფენაზე წარმოდგენილი იყო ფოტო- და ვიდეომასალა, რომელზეც თბილისის სამხატვრო აკადემიის სტუდენტებმა იმუშავეს.
პროექტის მიზანია, ასახოს ადამიანის ჩარევა ბუნებაში. ახალგაზრდა არტისტებმა "სხეულის ობიექტის" შექმნისთვის გამოიყენეს სურრეალიზმი, რათა უკეთ გადმოეცათ კონცეფციის აზრი. პროექტის ერთ-ერთი მონაწილის ნინო ჭელიას თქმით, პროექტის მთავარი თემა არის ეკოლოგია და ხელოვნება. "სტუდენტები ხელოვნების საშუალებით ცდილობენ, გააპროტესტონ ადამიანის ბუნებაში ჩარევა" - აღნიშნა ნინო ჭელიამ.
როგორც პროექტის ავტორმა ლიზა ოსეფაშვილმა გვითხრა: "პროექტი დაეხმარება სტუდენტებს ახალი გამოცდილების მიღებაში და სასწავლო პროცესი უფრო მრავალფეროვანი გახდება".
გამოფენა 21 ოქტომბერს 18:00 საათზე გაიხსნა და 1 კვირის განმავლობაში გაგრძელდება. პროექტის მხარდამჭერები არიან მერიის კულტურის ღონისძიების ცენტრი და თბილისის ეროვნული მუზეუმი.