ილიაუნიში კინოპროექტების წარდგენა გაიმართა. პროექტის მონაწილეებმა პროფესიონალებს გააცნეს თავიანთი შეხედულებები დოკუმენტურ და მხატვრულ ფილმებზე.
მიწვეულმა სტუმარმა გაბრიელ ბრუნენ მაიერმა მონაწილეებს გაუზიარა საკუთარი გამოცდილება კინოხელოვნებაში, მან ვრცლად ისაუბრა, როგორც დოკუმენტური, ისე მხატვრული კინოს გადაღების სპეციფიკაზე. მაიერმა განმარტა თითოეული ის ნიუანსი, რაც უნდა დაიცვან მონაწილეებმა პროექტის მომზადებისა და წარდგენის დროს.
პროექტში მონაწილეობა თავისუფალია. ასაკის შეუზღუდავად მონაწილეობენ, როგორც სტუდენტები, ასევე გამოცდილი ადამიანები. ამ პროექტში ჩართულ პირებს საკუთარი ნამუშევრის წარდგენა 19 ივლისამდე შეუძლიათ.
"ის პროექტი, რომელზეც მუშაობენ მონაწილეები, უნდა იყოს კონკრეტულ თემაზე. პრეზენტაციის დროს ნათლად უნდა ჩანდეს, რა საკითხს ეხება. სასურველია, პროექტზე მუშაობისას განაწილებული იყოს როლები. არ არის მიზანშეწონილი, ყველაფერს ერთი ადამიანი აკეთებდეს, დღესდღეობით არსებობს ამის პრობლემა, რომ ერთი ადამიანი ძალაუნებურად ითვისებს სხვადასხვა საქმეს, მაგალითად, რეჟისორისა და სცენარისტის ფუნქციებს" - აღნიშნა კინოექსპერტმა გაბრიელ ბრუნენ მეიერმა.
