ერთი პროექტისთვის გამოყოფილი მაქსიმალური თანხა 5000 ლარით განისაზღვრება. საერთო ჯამში აღნიშნულ ინიციატივას 50 000 ლარი მოხმარდება. მიღებულ პროექტებს სპეციალურად შექმნილი დროებითი კომისია 10 დღის ვადაში განიხილავს. კონკურსში მონაწილეობის მიღება შეუძლიათ როგორც ფიზიკური პირებს, ასევე არასამთავრობო ორგანიზაციებს.

როგორც ახალგაზრდობის საქმეთა განყოფილების წარმომადგენლებმა განაცხადეს, პროექტების ფორმა შეზღუდული არ არის, თუმცა, აუცილებელია ბიუჯეტის დეტალურად წარმოდგენა.

სამსახურის წარმომადგენლებმა კონკურსის პრიორიტეტებზე ისაუბრეს, ესენია: ახალგაზრდების ჩართულობა საზოგადოებრივ ცხოვრებაში, არაფორმალური განათლება (ტრენინგ-სემინარები), ცხოვრების ჯანსაღი წესის პოპულარიზება, სოციალურად დაუცველი და შეზღუდული შესაძლებლობის მქონე ახალგაზრდების დახმარება-ინტეგრაცია.

პროექტების მიღება 26 სექტემბერს დაიწყება და 9 ოქტომბრამდე გასტანს.


წყარო - http://studpress.ge/?p=6687