ღია უნივერსიტეტში შეხვედრა გაიმართა "სტუდენტთა უფლებების ლიგის" წევრობასთან დაკავშირებით.
დამსწრე სტუდენტებს შესაძლებლობა ჰქონდათ, პირადობის მოწმობით ლიგაში გაწევრიანებულიყვნენ.
"მე კმაყოფილი ვარ დღევანდელი ღონისძიებით, რადგან სრულყოფილად მივიღე ინფორმაცია ჩვენი უფლებების დაცვის შესახებ. გავწევრიანდი სტუდენტთა უფლებების ლიგაში და მოვუწოდებ სტუდენტებს, მონაწილეობა მიიღონ ამგვარ ღონისძიებებში, რათა ერთად დავძლიოთ სტუდენტური პრობლემები" - განაცხადა საქართველოს ტექნიკური უნივერსიტეტის სტუდენტმა თამარ ამირეზაშვილმა.
ლიგის წარმომადგენლების განცხადებით, ასეთი ღონისძიებები მომავალშიც ხშირად გაიმართება.