,,დაახლოებით, 20 წელია საქართველოს შიდა და გარე კონფლიქტი აქვს აფხაზეთთან, ოსეთსა და რუსეთთან. აფხაზები და ოსები გაუცხოებულები არიან საქართველოსთან, რადგან თავიანთ პერსპექტივად მხოლოდ რუსეთს ხედავენ. ცხადია, რომ რუსეთს აფხაზეთის მხოლოდ გეოპოლიტიკური ადგილმდებარეობა ადარდებს“ - აღნიშნა პაატა ზაქარეიშვილმა.

სტუდენტებმა კითხვები დასვეს ვილნიუსის სამიტის შესახებ, სოჭის ოლიმპიადაში ქართველი სპორტსმენების მონაწილეობასა და ნატოში ინტეგრაციაზე. მინისტრის თქმით, ვილნიუსის სამიტი საქართველოსთვის ევროკავშირში შესვლის ერთ-ერთი საფეხურია. სოჭის ოლიმპიადაზე საუბარი მან ნაადრევად ჩათვალა. ნატოში ინტეგრაციაზე კი განაცხადა: ,, თუ სწორ ნაბიჯებს გადავდგამთ, მაქსიმუმ 10 წელში გავწევრიანდებით“.