საქართველოს უნივერსიტეტში ამავე უნივერსიტეტის კლუბმა "რა? სად? როდის?" ახალი სეზონი დაიწყო.
თამაშში მონაწილეობა 38-მა გუნდმა მიიღო. კლუბი მიზნად ისახავს ინტელექტუალური ღონისძიებებისთვის ფართომასშტაბიანი ხასიათის მინიჭებას.
გუნდ "ანირეტაკეს" წევრმა გიორგი მელქაძემ ჩვენთან საუბარში აღნიშნა, რომ კითხვები საკმაოდ საინტერესოდ იყო შედგენილი და ამავდროულად ისინი ძალიან დამაბნეველიც იყო: "ჩემი გუნდის თამაშით უკმაყოფილო ვარ, რადგან ხშირ შემთხვევაში პასუხებთან ძალიან ახლოს ვიყავით".
შეხვედრის ორგანიზატორმა ელენე ჯიბუტმა განაცხადა, რომ დღევანდელი შეხვედრის მიზანი იყო ახალი სეზონის გახსნა და მკაცრად არ იყო განსაზღვრული თამაშის მიმდინარეობა, არ იყო პრიზები და მსგავსი წახალისებები.