საუბარს, ძირითადად, სკოლის მოსწავლეები და მასწავლებლები ესწრებოდნენ. წმინდა დემეტრე თავდადებულის ტაძრის წინამძღვარმა ისაუბრა სიყვარულის მნიშვნელობაზე. მან სიყვარულის შესახებ ისაუბრა როგორც სახარებისეული, ისე ცხოვრებისეული მაგალითებიდან და შეეცადა ახალგაზრდებისათვის განემარტა განსხვავება ჭეშმარიტ სიყვარულსა და ვნებაზე დაფუძნებულ სიყვარულს შორის.

შეხვედრა კითხვა-პასუხის რეჟიმში წარიმართა, სადაც თითოეულს შეეძლო საკუთარი აზრი გამოეხატა ამა თუ იმ საკითხზე და კითხვა დაესვა.

საქართველოს საპატრიარქოსთან არსებული ახალგაზრდობის სულიერი და ინტელექტუალური განვითარების ცენტრში ყოველდღე იმართება შემეცნებითი საუბარი სხვადასხვა თემაზე. დასწრება ნებისმიერ მსურველს შეუძლია.