თბილისის სახელმწიფო უნივერსიტეტში რესოციალიზაციისა და რეაბილიტაციის პროგრამის პრეზენტაცია გაიმართა.
პროექტი დანაშაულის პრევენციისა და ინოვაციური პროგრამების ცენტრისა და საქართველოს იუსტიციის სმინისტროს ინიციატივით ხორციელდება. პროგრამა 2012 წლის ბოლოს ჩამოყალიბდა და ყოფილ მსჯავრდებულებთან მუშაობს. მისი მიზანია სოციალური უნარების განვითარება, მდგრადი ფსიქოლოგიური მდგომარეობის ჩამოყალიბება ყოფილ პატიმრებში. პროგრამის მესვეურები ცდილობენ, შეამცირონ განმეორებითი დანაშაულის ჩადენის რისკი და გახადონ ისინი კონკურენტუნარიანები სამუშაო ბაზარზე.
ასევე მათ ისაუბრეს სამომავლო მიზნებზე, რომელშიც შედის საზოგადოების ინფორმირებისა და ჩართულობის გაზრდა, პროგრამის გაფართოება, სერვისების რაოდენობის ზრდა, ეფექტური მომსახურება და სხვადასხვა პროექტის განხორციელება.
სტუდენტებმა კითხვები დაუსვეს ორგანიზაციის წარმომადგენლებს და ასევე ბევრი საინტერესო იდეა მიაწოდეს.
