გურამ თავართქილაძის სასწავლო უნივერსიტეტში ირაკლი ჩარკვიანისადმი მიძღვნილი ღონისძიება გაიმართა.
პოეზიის საღამო ირაკლი ჩარკვიანის ხსოვნასა და შემოქმედებას მიეძღვნა.
საღამოს მონაწილე სტუდენტებმა ირაკლი ჩარკვიანის სიმღერები შეასრულეს. ასევე ,,მეფის" ლექსები წაიკითხეს.
საღამოზე სპეციალურ სტუმრად მიწვეული იყო ირაკლი ჩარკვიანის მეუღლე ქეთათო ჩარკვიანი. მან საღამო დადებითად შეაფასა და აღნიშნა, რომ ეს იყო ძალიან თბილი ღონისძიება. ,,მოხარული ვარ, რომ საშუალება მომეცა, დავსწრებოდი ირაკლი ჩარკვიანისადმი მიძღვნილ საღამოს. მიხარია, რომ სტუდენტებს მუდმივად ახსოვთ ირაკლი და მის პატივსაცემად მართავენ საღამოებს" - განაცხადა ქეთათომ.
ღონისძიება გურამ თავართქილაძის სასწავლო უნივერსიტეტის თვითმმართველობის ინიციატივით ჩატარდა.
