არასრულწლოვანებისთვის სათამაშო აპარატების საშუალებით თამბაქოზე ხელმისაწვდომობა უნდა შეიზღუდოს - ამის შესახებ არასამთავრობო ორგანიზაციამ "ადამიანი, კანონი,თავისუფლება" ბრიფინგი გამართა.
არასამთავრობო ორგანიზაციის თავჯდომარემ გიორგი ჭულუხაძემ ბრიფინგზე განაცხადა, რომ თბილისში მომრავლებული სათამაშო აპარატები, რომლებიც განთავსებულია ხალხმრავალ ადგილებში, სკოლებსა თუ სხვა დაწესებულებებთან, პრობლემას წარმოადგენს. მისი თქმით, ბოლო დროს აპარატები სიგარეტზე ხელმისაწვდომი საშულება გახდა. მისი არასრულწლოვანთათვის მიყიდვა იკრძალება, თუმცა, ამ გზით მათ ხელი მიუწვდებათ თამბაქოზე. გიორგი ჭულუხაძემ აპარატის მფლობელები კანონის დარღვევაში დაადანაშუალა.
"მოგეხსენებათ, რომ მეტროს მიმდებარე ტერიტორიაზე არის განთავსებული სათამაშო აპარატები. ეს გახლავთ აპარატებში ჩაყრილი სიგარეტები, გარკვეული რაოდენობის თანხის ნაცვლად მოთამაშე ამოიღებს სიგარეტს, არასრულწლოვანთა მიერ მათი მოხმარების დროს კი ეს კანონდარღვევაა. ჩვენ ვაწარმოებთ მონიტორინგს და შედეგებს სამართალდამცავ ორგანოებს გადავცემთ. ჩვენი მიზანია, აღარ იყოს სათამაშო აპარატები და მოზარდებს არ ჰქონდეთ საშუალება, აზარტს აჰყვნენ" - განაცხადა გიორგი ჭულუხაძემ.