Erasmus Mundus-მა ილიას სახელმწიფო უნივერსიტეტში მეორე აქტივობის პროექტების MID, ALRAKIS II, EUROEAST საინფორმაციო შეხვედრა გამართა.
პროგრამის შესახებ განვითარების სამსახურის წარმომადგენელმა მაკა ლორთქიფაიძემ ისაუბრა. "Erasmus Mundus-ის გაცვლითი პროგრამა გულისხმობს ბაკალავრების, მაგისტრანტების, დოქტორანტების, პოსტ-დოქტორანტებისა და აკადემიური/ადმინისტრაციული პერსონალის მობილობას ევროპული ქვეყნების სხვადასხვა უმაღლეს საგანმანათლებლო დაწესებულებაში'' - განაცხადა მაკა ლორთქიფანიძემ.
გაცნობითი ხასიათის შეხვედრაზე წარმოდგენილი იყო პრეზენტაცია, რომლის მიზანიც დამსწრე აუდიტორიისათვის პროგრამის დაწვრილებით გაცნობა იყო.
კონკურსში გამარჯვებულებს პროგრამის ფარგლებში დაენიშნებათ სტიპენდია. ამასთანავე, პროგრამა ანაზღაურებს მგზავრობისა და მასთან დაკავშირებულ ხარჯებს, ფარავს მობილობის პერიოდში დაზღვევისა და სწავლის საფასურს.
