,,ევროკავშირი და პოსტსაბჭოთა ქვეყნები" - ამ თემაზე საქართველოს უნივერსიტეტში საქველმოქმედო ორგანიზაცია Campus lions club Tbilisi-ის წევრებმა სემინარი ჩაატარეს.
ლექცია კითხვა-პასუხის რეჟიმში მიმდინარეობდა და 7 საათს გრძელდებოდა. შეხვედრაზე განიხილეს შემდეგი თემები: "ადამიანის უფლებები პოსტსაბჭოთა ქვეყნებში" და "მსოფლიო კრიზისი და საქართველო".
Campus lions club Tbilisi-ის ერთ-ერთმა დამფუძნებელმა კობა ბარამიამ აღნიშნა, რომ ამ ღონისძიებას დიდი დატვირთვა აქვს ახალგაზრდების ინფორმაციული განვითარებისა და სწორი აზროვნების ჩამოყალიბებისთვის. ,,ძირითადად, შევკრიბეთ მე-11, მე-12 კლასის მოსწავლეები, ის მომავალი თაობა, რომელიც დღეს ჩამოყალიბების პროცესშა. ჩვენი მიზანია, მათ დავანახოთ სწორი გზა, მივცეთ სწორი მიმართულება, ჩამოვუყალიბოთ სწორი ლოგიკა, რათა შემდეგ სახეზე გვყავდეს გამართულად მოაზროვნე ახალი თობა. თაობა, რომელიც გაითავისებს, დაიცავს თავის უფლებებსა და მოვალეობებს".
პროექტი მოიცავს 3-დღიან სამუშაო შეხვედრას (27, 28 და 29 დეკემბერი).