თბილისის სახელმწიფო უნივერსიტეტში ახალგაზრდა პოეტის ვახო კამკამიძის პოეზიის საღამო "აპლოდისმენტი" გაიმართა.
სტუდენტებთან შეხვედრა ვახოს მეგობრების ორგანიზებით შედგა.
პირველი ლექსი ბავშვობაში 9 წლის ასაკში დაწერა. "რა თქმა უნდა, სიყვარულზე დავწერე, ვინმეს რომ წაეკითხა, იფიქრებდა, შეყვარებულია-ო, მაგრამ მაშინ ნამდვილად არავინ მიყვარდა, მითუმეტეს, იმ ასაკში" - განაცხადა ახალგაზრდა პოეტმა.
მისი შემოქმედება სხვადასხვა თემატიკისაა: წერს სიყვარულზე, ახალგაზრდებზე, პატრიოტიზმსა და სამშობლოზე. პირველი შემფასებლები ყოველთვის მეგობრები არიან.
საღამოს დასასრულს ვახომ ლექსი "აპლოდისმენტი" წაიკითხა. საღამო 2 საათს გაგრძელდა.
