ილიას სახელმწიფო უნივერსიტეტში ცნობილი ქართველი ფიზიკოსის გია დვალის ლექცია-სემინარი გაიმართა თემაზე - ,,შავი ხვრელებისა და კოსმოლოგიის კვანტური ფიზიკა".
ძირითადად, ლექცია განკუთვნილი იყო ფიზიკოსებისთვის, თუმცა სემინარს ქიმიისა და ბიოლოგიის ფაკულტეტის სტუდენტებიც ესწრებოდნენ. ლექცია 1 საათს გაგრძელდა. ფიზიკოსმა ისაუბრა შავ ხვრელებზე, კოსმოლოგიასა და კვანტურ ფიზიკაზე.
ილიაუნის პროფესორმა გიორგი ჯაფარიძემ აღნიშნა: ,,ძალიან მნიშვნელოვანია, რომ ასეთი ლექციები ტარდება უნივერსიტეტში და ახალგაზრდებს საშუალება აქვთ, მოუსმინონ ბატონი გიას ლექციას. რაც მთავარია, თითოეული დეტალი იყო ძალიან კარგად ახსნილი და გასაგები, როგორც ლექტორებისთვის, ასევე სტუდენტებისთვის.