ღონისძიება გაიმართება 30 დეკემბერს, რომლის ფარგლებშიც იგეგმება თბილისის ქუჩებში წინა საახალწლო განწყობის შექმნა. მასში მონაწილეობის მიღება ნებისმიერ მსურველს, როგორც ბავშვებს, ისე ტინეიჯერებს, ზრდასრულ და ასაკოვან ადამიანებს შეუძლიათ.

ერთ-ერთი ორგანიზატორისა და “Buckswood Volunteers Club”-ის საზოგადოებასთან ურთიერთობის მენეჯერის ნინუცა გოგაძის თქმით, „ბაქსვუდის მოხალისეთა კლუბი გასულ წელს ჩამოყალიბდა. კლუბის მიზანია მოხალისეობის განვითარება, საქალაქო აქტივობის ზრდა და ქველმოქმედება. ბაქსვუდის მოხალისეთა კლუბის ფარგლებში ხორციელდება როგორც საქველმოქმედო ღონისძიებები, ასევე ტრენინგები, შემეცნებითი კონფერენციები, კონკურსები და ა.შ.

„ძალიან მიხარია, რომ კონკრეტულად ამ ღონისძიებამ ასეთი დაინტერესება გამოიწვია. ღონისძიების ჩატარების მიზანი ის არის, რომ ყველა ადამიანი მიხვდეს, თუ როგორ შეუძლია სრულიად პატარა რაღაცას გამოიწვიოს ადამიანის ბედნიერება. მნიშვნელოვანია ვიზრუნოთ საახალწლო განწყობაზე, რომელიც ჩვენს მეზობელ ქვეყნებში საკმაოდ აქტიური სამზადისით მიმდინარეობს“ - გვითხრა ნინუცა გოგაძემ.

შეგახსენებთ, რომ ღონისძიება/აქცია 30 დეკემბერს 18:00-დან 23:00 საათამდე გაიმართება.

ღონისძიება იგეგმება შემდეგ ლოკაციებზე: მარჯანიშვილის მოედანი, სპორტის სასახლე, მეტრო დელისი, ჭავჭავაძე-კავსაძის კუთხე, რუსთაველის მეტრო, თავისუფლების მეტრო, რესპუბლიკის მოედანი.

სანამ უანგარო პოზიტივის დღე დადგება, ორგანიზატორები საზოგადოებას სთხოვენ, გააზიარონ ღონისძიება, რომელიც “Facebook”-ის გვერდზეა შექმნილი.

“იმისათვის, რომ ჩვენთან გაზიარება გამოჩნდეს სურათის მიხედვით მიჰყევით ნაბიჯებს. ასევე, მიაქციეთ ყურადღება, რომ გაზიარება იყოს “Public”, რათა გამოჩნდეს ჩვენთან. აუცილებელია ფრაზის ქვემოთ გადააკოპიროთ ეს პოსტიც, რათა ყველას მივაწოდოთ ინფორმაცია” - აღნიშნა “Buckswood Volunteers Club”-ის ხელმძღვანელმა მურო თაკალანძემ.