"ყველაფერი ტილდას ნაჭრის თოჯინით დაიწყო, რომელიც შვილიშვილს ვაჩუქე. ისეთი რბილი, თბილი და კომფორტული იყო, საერთოდ არ ჰგავდა თოჯინებს, რომლებსაც მაღაზიებში ყიდიან. მომინდა, მე თვითონ გამეკეთებინა," - იხსენებს ოლგა.
თავიდან კერვის ყველა დეტალი არ იცოდა და ვერც პროპორციებს იცავდა. პირველი თოჯინა ძალიან სასაცილო და ცოტათი ულამაზო გამოუვიდა. მთავარია, რომ საქმისადმი ინტერესი არ დაკარგა და ხელობას პროფესიონალ მეთოჯინეებთან დაეუფლა, საგანმანათლებლო კურსებში, კონკურსებსა და გამოფენებში მონაწილეობდა.
"ჩემი თოჯინებით ბევრი ადამიანი მოიხიბლა და სხვადასხვა ქალაქიდან და ქვეყნიდან შეიძინეს. მიხარია, რომ ჩემი ნამუშევრები ბავშვებსა და უფროსებს აბედნიერებს. სხვადასხვა ზომის თოჯინები იკერება - 15 სანტიმეტრიდან 1 მეტრამდე. სამოსი ანტიალერგიული ბამბის ქსოვილისგან მზადდება, ფეხსაცმელი იტალიური ტყავისგან, თმა კი ანგორული თხისგან,"-აღნიშნავს ოლგა კვარჩია.
ყველაზე საინტერესო თოჯინის სახის მოხატვაა. მიუხედავად იმისა, რომ ოლგას თავისი ხელწერა აქვს, წინასწარ მაინც არ იცის, ახალ ნამუშევარს რა განწყობა ექნება. ხდება ხოლმე, რომ თოჯინა "პრეტენზიულია" და კაბას "არ იცვამს", ან რომელიმე ქსოვილის ფერი "არ მოსწონს". გამოცვლისთანავე, თოჯინა "მხიარულდება".
ოლგას ისრაელის თოჯინების თეატრთან დიდი პროექტი აქვს. ეგზიუპერის "პატარა უფლისწულის" მიხედვით დიდი ზომის თოჯინები შექმნა. მომავალში კიდევ რამდენიმე წარმოდგენა და ბევრი სამუშაო ელის.
გამოყენებული ტერმინები, ტოპონიმები, გამოთქმული შეხედულებები, მოსაზრებები ეკუთვნის ავტორს და შესაძლოა, ორგანიზაციის მოსაზრებებს არ ემთხვეოდეს.
სიძულვილის ენის შემცველი, შეურაცხმყოფელი და არაეთიკური კომენტარები წაიშლება.
