დევნილთა და განსახლების სამინისტროს საპასუხო წერილში კი ნათქვამია, რომ 40 ათას ჩასახლებულ და თვითგანსახლებულ დევნილთა ოჯახს, რომელთა დავალიანებაც ათას ლარს ან მეტს შეადგენს დაურიგდებათ 200-ლარიანი გაზის ან ელექტროენერგიის ვაუჩერი.

თუმცა, როგორც "დევნილთა ახალგაზრდული ორგანიზაციის" ლიდერი ვაკო ფაჟავა ამბობს, რომ საპასუხო წერილში არ იყო მითითებული თარიღი, თუ როდიდან დაიწყებოდა დევნილებისთვის ამ ვაუჩერების დარიგება: „ვცადეთ, მაგრამ უშედეგოდ, კონკრეტულად ვერ გვითხრეს რიცხვი, თუ როდიდან დაიწყებოდა ეს პროცესი. ჩვენ წერილობით დევნილთა სამინისტროს გვერდზე მივწერეთ, ასევე გამოვაქვეყნეთ სტატიაც, დავუკავშირდით მეილზეც. თუმცა, სამივეგან ერთი და იგივე პასუხი მივიღეთ. ამის შემდეგ სამინისტრომაც გაკეთა განცხადება სატელევიზიო ეთერში“ - აღნიშნა ვაკო ფაჟავამ.

„დევნილთა ახალგაზრდული ორგანიზაცია“, სადაც თავდაპირველად 100 ადამიანი ერთიანდებოდა და არა მარტო თბილისს, არამედ რეგიონებსაც მოიცავდა, 2011 წელს ვაკო ფაჟავასა და გიორგი კობახის ინიციატივით ჩამოყალიბდა. ორგანიზაციის მიზანია დევნილთა დახმარება. ახალგაზრდების ინტერესის სფეროში შედის ტერიტორიული მთლიანობის აღდგენის, უსაფრთხოების, საგარეო პოლიტიკისა და მეზობელ ქვეყნებთან სტრატეგიული თანამშრომლობის საკითხები.