სტუდენტები და ხელოვნებათმცოდნეები უნდობლობას უცხადებდნენ არჩვენებში ორი კანდიდატის მონაწილეობასაც. მათი განმარტებით, სასურველმა კანდიდატმა გია ეძგვერაძემ არჩევნებში მონაწილეობა ვერ შეძლო. გარდა ამისა, სტუდენტები კიდევ ერთ დარღვევად აღიარებდნენ არჩევნების დაგეგმილი დროის 11 საათის ნაცვალდ, 9 საათზე ჩატარებას. სამხატვრო აკადემიაში უსაფუძვლოდ მიიჩნევენ სტუდენტებისა და ხელოვნებათმცოდნეების მიერ წაყენებულ ბრალდებას. მედიახელოვნების ფაკულტეტის დეკანისა და რექტორობის ერთ-ერთი კანდიდატის ნანა იაშვილის განცხადებით: „აკადემია როგორც სახელოვნებო უნივერსიტეტი აღასრულებს ყველა იმ სამართლებრივ პუნქტს, რომელიც საუნივერსიტეტო კანონშია გათვლილი“.
„რექტორის თანამდებობის დაკავება შეუძლია პირს, რომელსაც უკავია პროფესორის თანამდებობა აკრედიტირებულ უმაღლეს საგანმანათლებლო დაწესებულებაში და რომლის მიმართულება შეესაბამება აკადემიასა და მის ფაკულტეტებზე არსებულ საგანმანათლებლო პროგრამულ მიმართულებებს. ცვლილება მიზნად ისახავს ჯანსაღი კონკურენტული გარემოს შექმნას და გამჭირვალე კრიტერიუმების ჩამოყალიბებას“ - აღნიშნეს საქართველოს კულტურისა და ძეგლთა დაცვის სამინისტროში.
არჩევნებში გია გუგუშვილის გამარჯვება 14 ოქტომბერს დადასტურდა, რის შემდეგაც, აკადემიის სტუდენტებმა, ხელოვნებათმცოდნეებმა და ყოფილმა თანამშრომლებმა აქცია გამართეს. სტუდენტები გია გუგუშვილისა და ქალაქის მერის დავით ნარმანიას ნათესაურ კავშირზე მიუთითებდნენ.
„ნარმანიას წინასაარჩევნო კლიპებში ბატონი გია გუგუშვილი და მისი მეუღლე ქეთი მატაბელი მონაწილეობდნენ. ჩვენი ინფორმაციით, ისინი ნათესავები არიან. ფაქტია, რაც არ უნდა გავაკეთოთ სტუდენტებმა და რაც არ უნდა მაღალ ეშელონებთან განვაცხადოთ, რომ აქ არაფერი ფუნქციონირებს, მათთვის მნიშვნელობა არ აქვს. მთავარია, დავით ნარმანიამ თქვა, რომ გია გუგუშვილი უნდა გახდეს რექტორი“ - განაცხადა სამხატვრო აკადემიის სტუდენტმა ნატა ნებიერიძემ.
სტუდენტებმა არჩევნებს არადამეკორატიული და არასამართლებრივი უწოდეს. მათივე განმარტებით, გია გუგუშვილი ვერ შეძლებს იმ ძირეული რეფორმების გატარებას, რაც აუცილებელია აკადემიისთვის. აქციის მონაწილეებმა, კიდევ ერთხელ, მხარი დაუჭირეს რექტორობის მსურველ ყოფილ კანდიდატს, რომელსაც არჩევნებში მონაწილეობის უფლება აკადემიის დებულებაში შეტანილი ცვლილებების საფიძველზე არ მისცეს. მოგვიანებით დაპირისპირება მოხდა სამართალდამცველებსა და აქციის მონაწილეებს შორის. მიზეზს სტუდენტების აკადემიის ტერიტორიაზე შესვლის მოთხოვნა წარმოადგენდა.
სტუდენტთა პროტესტის პარალელურად, ახლად არჩეული რექტორი სტუდენტებთან დიალოგზე მზადყოფნას გამოთქვამდა. „გასაგებია, რომ ყველას არ მოსწონს სწავლების ცენტრალური ხაზი და ახალი იდეა. ეს, რა თქმა უნდა, დიდ ტრაგედიას არ წარმოადგენს; სწორედ ამისთვის არსებობს დიალოგი. მიმდინარე პროტესტი გარკვეული ჯგუფების დაინტერესებას ჰგავს, რომლებიც სტუდენტების უკან არიან“ - განაცხადა სამხატვრო აკადემიის რექტორმა გია გუგუშვილმა.
აქცია 15 ოქტომბერს სამხატვრო აკადემიის ეზოში გაგრძელდა. როგორც აკადემიის სტუდენტები აცხადებდნენ, პროტესტის გამძაფრების მიზეზი გია გუგუშვილის მიერ ტრადიციის დარღვევა იყო. ახალმა რექტორმა უარი თქვა სასწავლო წლის პირველ დღეს სტუდენტებთან საჯაროდ მისალმებაზე. აკადემიის ეზოში საყვირებითა და საპროტესტო პლაკატებით შეკრებილმა სტუდენტებმა ყოფილი ლექტორის, ლუიზა ლაფერაძის სასწავლებელში დაბრუნებაც მოითხოვეს.
„ჩვენ მოვითხოვთ უნივერსიტეტში ლუიზა ლაფერაძის დაბრუნებას. ვცდილობთ, პირველკურსელებს დავანახოთ, რომ სამხატვრო აკადემიაში ყველაფერი არც ისე კარგადაა, როგორც მათ ჰგონიათ,“ - განაცხადა სტუდენტმა გიორგი კარტოზიამ.
პროტესტი სტუდენტებისა და აკადემიის ყოფილი თანამშრომლების რექტორის კაბინეტში შეჭრით დამთავრდა. სტუდენტები ახალ რექტორს სამომავლო გეგმების გაცნობას სთხოვდნენ. ნახევარსაათიანი შეხვედრა უშედეგოდ დასრულდა. სტუდენტების თქმით, მათ რეალური პასუხი შეკითხვებზე ვერ მიიღეს. აკადემიის ახალი რექტორის განცხადებით, აქციის მონაწილეთა უმრავლესობა არა სტუდენტები, არამედ ყოფილი თანამშრომლები იყვნენ, რომლებსაც თავიანთი ინტერესები ამოძრავებდათ. „ლუიზა ლაფერაძე არავის არ გაუშვია აკადემიიდან, ის არ აიყვანეს“ - განაცხადა გია გუგუშვილმა.
სტუდენტები აქტიურობას სოციალურ ქსელში აგრძელებენ და სასურველი მიზნის მისაღწევად ახალ აქტივობებს გეგმავენ. მათ თანადგომას თბილისის სახელმწიფო უნივერსიტეტის სტუდენტები „მწვანე მუშტის“ წევრებთან ერთად უცხადებენ. სამხატვრო აკადემიაში კი სასწავლო პროცესი გია გუგუშვილის რექტორობის ფონზე მიმდინარეობს.
„რექტორის თანამდებობის დაკავება შეუძლია პირს, რომელსაც უკავია პროფესორის თანამდებობა აკრედიტირებულ უმაღლეს საგანმანათლებლო დაწესებულებაში და რომლის მიმართულება შეესაბამება აკადემიასა და მის ფაკულტეტებზე არსებულ საგანმანათლებლო პროგრამულ მიმართულებებს. ცვლილება მიზნად ისახავს ჯანსაღი კონკურენტული გარემოს შექმნას და გამჭირვალე კრიტერიუმების ჩამოყალიბებას“ - აღნიშნეს საქართველოს კულტურისა და ძეგლთა დაცვის სამინისტროში.
არჩევნებში გია გუგუშვილის გამარჯვება 14 ოქტომბერს დადასტურდა, რის შემდეგაც, აკადემიის სტუდენტებმა, ხელოვნებათმცოდნეებმა და ყოფილმა თანამშრომლებმა აქცია გამართეს. სტუდენტები გია გუგუშვილისა და ქალაქის მერის დავით ნარმანიას ნათესაურ კავშირზე მიუთითებდნენ.
„ნარმანიას წინასაარჩევნო კლიპებში ბატონი გია გუგუშვილი და მისი მეუღლე ქეთი მატაბელი მონაწილეობდნენ. ჩვენი ინფორმაციით, ისინი ნათესავები არიან. ფაქტია, რაც არ უნდა გავაკეთოთ სტუდენტებმა და რაც არ უნდა მაღალ ეშელონებთან განვაცხადოთ, რომ აქ არაფერი ფუნქციონირებს, მათთვის მნიშვნელობა არ აქვს. მთავარია, დავით ნარმანიამ თქვა, რომ გია გუგუშვილი უნდა გახდეს რექტორი“ - განაცხადა სამხატვრო აკადემიის სტუდენტმა ნატა ნებიერიძემ.
სტუდენტებმა არჩევნებს არადამეკორატიული და არასამართლებრივი უწოდეს. მათივე განმარტებით, გია გუგუშვილი ვერ შეძლებს იმ ძირეული რეფორმების გატარებას, რაც აუცილებელია აკადემიისთვის. აქციის მონაწილეებმა, კიდევ ერთხელ, მხარი დაუჭირეს რექტორობის მსურველ ყოფილ კანდიდატს, რომელსაც არჩევნებში მონაწილეობის უფლება აკადემიის დებულებაში შეტანილი ცვლილებების საფიძველზე არ მისცეს. მოგვიანებით დაპირისპირება მოხდა სამართალდამცველებსა და აქციის მონაწილეებს შორის. მიზეზს სტუდენტების აკადემიის ტერიტორიაზე შესვლის მოთხოვნა წარმოადგენდა.
სტუდენტთა პროტესტის პარალელურად, ახლად არჩეული რექტორი სტუდენტებთან დიალოგზე მზადყოფნას გამოთქვამდა. „გასაგებია, რომ ყველას არ მოსწონს სწავლების ცენტრალური ხაზი და ახალი იდეა. ეს, რა თქმა უნდა, დიდ ტრაგედიას არ წარმოადგენს; სწორედ ამისთვის არსებობს დიალოგი. მიმდინარე პროტესტი გარკვეული ჯგუფების დაინტერესებას ჰგავს, რომლებიც სტუდენტების უკან არიან“ - განაცხადა სამხატვრო აკადემიის რექტორმა გია გუგუშვილმა.
აქცია 15 ოქტომბერს სამხატვრო აკადემიის ეზოში გაგრძელდა. როგორც აკადემიის სტუდენტები აცხადებდნენ, პროტესტის გამძაფრების მიზეზი გია გუგუშვილის მიერ ტრადიციის დარღვევა იყო. ახალმა რექტორმა უარი თქვა სასწავლო წლის პირველ დღეს სტუდენტებთან საჯაროდ მისალმებაზე. აკადემიის ეზოში საყვირებითა და საპროტესტო პლაკატებით შეკრებილმა სტუდენტებმა ყოფილი ლექტორის, ლუიზა ლაფერაძის სასწავლებელში დაბრუნებაც მოითხოვეს.
„ჩვენ მოვითხოვთ უნივერსიტეტში ლუიზა ლაფერაძის დაბრუნებას. ვცდილობთ, პირველკურსელებს დავანახოთ, რომ სამხატვრო აკადემიაში ყველაფერი არც ისე კარგადაა, როგორც მათ ჰგონიათ,“ - განაცხადა სტუდენტმა გიორგი კარტოზიამ.
პროტესტი სტუდენტებისა და აკადემიის ყოფილი თანამშრომლების რექტორის კაბინეტში შეჭრით დამთავრდა. სტუდენტები ახალ რექტორს სამომავლო გეგმების გაცნობას სთხოვდნენ. ნახევარსაათიანი შეხვედრა უშედეგოდ დასრულდა. სტუდენტების თქმით, მათ რეალური პასუხი შეკითხვებზე ვერ მიიღეს. აკადემიის ახალი რექტორის განცხადებით, აქციის მონაწილეთა უმრავლესობა არა სტუდენტები, არამედ ყოფილი თანამშრომლები იყვნენ, რომლებსაც თავიანთი ინტერესები ამოძრავებდათ. „ლუიზა ლაფერაძე არავის არ გაუშვია აკადემიიდან, ის არ აიყვანეს“ - განაცხადა გია გუგუშვილმა.
სტუდენტები აქტიურობას სოციალურ ქსელში აგრძელებენ და სასურველი მიზნის მისაღწევად ახალ აქტივობებს გეგმავენ. მათ თანადგომას თბილისის სახელმწიფო უნივერსიტეტის სტუდენტები „მწვანე მუშტის“ წევრებთან ერთად უცხადებენ. სამხატვრო აკადემიაში კი სასწავლო პროცესი გია გუგუშვილის რექტორობის ფონზე მიმდინარეობს.
