შეხვედრის დროს სტუდენტებმა ისაუბრეს სტუდენტური თვითმმართველობების შესახებ, რაზეც რექტორმა განაცხადა: ”სტუდენტური თვითმმართველობა მაღიზიანებს, არ მომწონს მეც, მაგრამ ეს არის კანონმდებლობით გათვალისწინებული და მე არაფრის გაკეთება არ შემიძლია, მაგრამ, ჩემი ინფორმაციით, ეს სტრუქტურა მალე კანონით აღარ იქნება“.
ჩვენთან საუბრისას ლადო პაპავამ აღნიშნა, რომ ”უმაღლესი განათლების შესახებ“ ახალი კანონი შეიძლება, აღარ ითვალისწინებდეს მუხლებს სტუდენტური თვითმმართველობის, როგორც ერთიანი ორგანიზაციის შესახებ. შესაძლოა, ახალი კანონით, ზოგადად, განისაზღვროს საკითხები სტუდენტური ორგანიზაციებისა და მათი უნივერსიტეტების მმართველობაში მონაწილეობის შესახებ. ეს მხოლოდ ერთ-ერთი ვერსიაა და შესაძლოა, ის საერთოდ არ გაითვალისწინონ მიღებული ახალ კანონში“. ასევე აღნიშნა, რომ სტუდენტური თვითმმართველობის გაუქმების საკითხი ახალი კანონის მიღებამდე დღის წესრიგში არ დგას.
ამ საკითხზე სტუდენტებს შორის აზრთა სხვადასხვაობა არსებობს. სტუდენტების ნაწილი მიიჩნევს, რომ დღესდღეობით თვითმმართველობა არ არის ლეგიტიმური და არ წარმოადგენს და არ იცავს სტუდენტების ინტერესებს. აქედან გამომდინარე, ფიქრობენ, რომ ასეთი გაერთიანების არსებობას აზრი არ აქვს. ”მინდა, რაც შეიძლება მალე გააუქმონ სტუდენტური თვითმმართველობა, რადგან მართვის მანკიერი პრაქტიკა აქვს და მის წევრებს არ აქვთ კარგად გააზრებული თავიანთი მოვალეობები, სტუდენტური თვითმმართველობა დამოუკიდებელმა სტუდენტურმა ჯგუფებმა უნდა შეცვალონ” - განაცხადა თსუ-ს ერთ-ერთმა სტუდენტმა ანა იჩქიტიძემ. გარდა ამისა, სტუდენტები მიიჩნევენ, რომ თვითმმართველობა იქცა არა განათლების ხელშემწყობ, არამედ გასართობ და მიკერძოებულ ორგანოდ, რომელსაც იმაზე დიდი გავლენა აქვს, ვიდრე საჭიროა. ზოგი ფიქრობს, რომ სტუდენტური თვითმმართველობები არ უნდა გაუქმდეს, არამედ უნდა შეიცვალოს მისი სტრუქტურა და გახდეს ლეგიტიმური. თსუ-ს მეოთხე კურსის სტუდენტი თინათინ ლორთქიფანიძე მიიჩნევს, რომ ”ზოგადად, სტუდენტური თვითმმართველობა უნდა არსებობდეს, მაგრამ ზუსტად უნდა ემსახურებოდეს იმ მიზნებს, რისთვისაც არის შექმნილი - დაიცვას სტუდენტების უფლებები, გვერდში დაუდგეს მათ და თავიანთი სახით მხარდამჭერი და შუამავალი ჰყავდეთ ადმინისტრაციასთან. დღეს ეს ასე არ არის, ამიტომ უნდა შეიცვალოს სტრუქტურა, გახდეს უფრო ღია და გამჭვირვალე და სწორად გადანაწილდეს მოვალეობები”.
სტუდენტების ნაწილი თვითმმართველობების გაუქმების მოწინააღმდეგეა და აღნიშნავს, რომ სტუდენტური თვითმმართველობა არ უნდა გაუქმდეს, რადგან ეს ორგანიზაცია სტუდენტების ინტერესებსა და სურვილებს ემსახურება, ამ ორგანიზაციის აქტიური და დაინტერესებული წევრები უდიდეს გამოცდილებას იძენენ არა მხოლოდ იმ სფეროში, რომელ დეპარტამენტშიც არიან, არამედ მეგობრებისგან ბევრ რჩევასაც იღებენ. ფიქრობენ, რომ რექტორმა მხოლოდ იმიტომ გააკეთა ასეთი განცხადება, რომ მან ზუსტად არ იცის თვითმმართველობის დეტალური საქმიანობის შესახებ.
აღნიშნულ საკითხზე გავესაუბრეთ “ახალგაზრდა იურისტთა ასოციაციის“ ადვოკატს ირმა პავლიაშვილს. მან აღნიშნა, რომ სტუდენტური თვითმმართველობების საკითხი კანონითაა დარეგულირებული და რექტორს არ შეუძლია მისი გაუქმება. „აქვე აღვნიშნავ, რომ თუ საკანონმდებლო დონეზე მოხდება ამ კუთხით კანონპროექტის ინიცირება, ჩვენ ჩავერთვებით და ჩვენს კრიტიკულ მოსაზრებებს წარმოვადგენთ“ .
ჩვენთან საუბრისას ლადო პაპავამ აღნიშნა, რომ ”უმაღლესი განათლების შესახებ“ ახალი კანონი შეიძლება, აღარ ითვალისწინებდეს მუხლებს სტუდენტური თვითმმართველობის, როგორც ერთიანი ორგანიზაციის შესახებ. შესაძლოა, ახალი კანონით, ზოგადად, განისაზღვროს საკითხები სტუდენტური ორგანიზაციებისა და მათი უნივერსიტეტების მმართველობაში მონაწილეობის შესახებ. ეს მხოლოდ ერთ-ერთი ვერსიაა და შესაძლოა, ის საერთოდ არ გაითვალისწინონ მიღებული ახალ კანონში“. ასევე აღნიშნა, რომ სტუდენტური თვითმმართველობის გაუქმების საკითხი ახალი კანონის მიღებამდე დღის წესრიგში არ დგას.
ამ საკითხზე სტუდენტებს შორის აზრთა სხვადასხვაობა არსებობს. სტუდენტების ნაწილი მიიჩნევს, რომ დღესდღეობით თვითმმართველობა არ არის ლეგიტიმური და არ წარმოადგენს და არ იცავს სტუდენტების ინტერესებს. აქედან გამომდინარე, ფიქრობენ, რომ ასეთი გაერთიანების არსებობას აზრი არ აქვს. ”მინდა, რაც შეიძლება მალე გააუქმონ სტუდენტური თვითმმართველობა, რადგან მართვის მანკიერი პრაქტიკა აქვს და მის წევრებს არ აქვთ კარგად გააზრებული თავიანთი მოვალეობები, სტუდენტური თვითმმართველობა დამოუკიდებელმა სტუდენტურმა ჯგუფებმა უნდა შეცვალონ” - განაცხადა თსუ-ს ერთ-ერთმა სტუდენტმა ანა იჩქიტიძემ. გარდა ამისა, სტუდენტები მიიჩნევენ, რომ თვითმმართველობა იქცა არა განათლების ხელშემწყობ, არამედ გასართობ და მიკერძოებულ ორგანოდ, რომელსაც იმაზე დიდი გავლენა აქვს, ვიდრე საჭიროა. ზოგი ფიქრობს, რომ სტუდენტური თვითმმართველობები არ უნდა გაუქმდეს, არამედ უნდა შეიცვალოს მისი სტრუქტურა და გახდეს ლეგიტიმური. თსუ-ს მეოთხე კურსის სტუდენტი თინათინ ლორთქიფანიძე მიიჩნევს, რომ ”ზოგადად, სტუდენტური თვითმმართველობა უნდა არსებობდეს, მაგრამ ზუსტად უნდა ემსახურებოდეს იმ მიზნებს, რისთვისაც არის შექმნილი - დაიცვას სტუდენტების უფლებები, გვერდში დაუდგეს მათ და თავიანთი სახით მხარდამჭერი და შუამავალი ჰყავდეთ ადმინისტრაციასთან. დღეს ეს ასე არ არის, ამიტომ უნდა შეიცვალოს სტრუქტურა, გახდეს უფრო ღია და გამჭვირვალე და სწორად გადანაწილდეს მოვალეობები”.
სტუდენტების ნაწილი თვითმმართველობების გაუქმების მოწინააღმდეგეა და აღნიშნავს, რომ სტუდენტური თვითმმართველობა არ უნდა გაუქმდეს, რადგან ეს ორგანიზაცია სტუდენტების ინტერესებსა და სურვილებს ემსახურება, ამ ორგანიზაციის აქტიური და დაინტერესებული წევრები უდიდეს გამოცდილებას იძენენ არა მხოლოდ იმ სფეროში, რომელ დეპარტამენტშიც არიან, არამედ მეგობრებისგან ბევრ რჩევასაც იღებენ. ფიქრობენ, რომ რექტორმა მხოლოდ იმიტომ გააკეთა ასეთი განცხადება, რომ მან ზუსტად არ იცის თვითმმართველობის დეტალური საქმიანობის შესახებ.
აღნიშნულ საკითხზე გავესაუბრეთ “ახალგაზრდა იურისტთა ასოციაციის“ ადვოკატს ირმა პავლიაშვილს. მან აღნიშნა, რომ სტუდენტური თვითმმართველობების საკითხი კანონითაა დარეგულირებული და რექტორს არ შეუძლია მისი გაუქმება. „აქვე აღვნიშნავ, რომ თუ საკანონმდებლო დონეზე მოხდება ამ კუთხით კანონპროექტის ინიცირება, ჩვენ ჩავერთვებით და ჩვენს კრიტიკულ მოსაზრებებს წარმოვადგენთ“ .
