აკაკი წერეთლის სახელმწიფო უნივერსიტეტის სტუდენტური თვითმმართველობის ორგანიზებით, ქუთაისის ლადო მესხიშვილის სახელმწიფო თეატრში საუნივერსიტეტო მან-სან-კანის ჩემპიონატი ჩატარდა სლოგანით ,,გვენატრება მან-სან-კანი“. მონაწილეობდა 4 გუნდი: აწსუ-ს გუნდი ,,ადრენალინი“, თბილისის აგრარული უნივერსიტეტის გუნდი ,,კაკი და კაი ბიჭის და“, თბილისის სახელმწიფო სამედიცინო უნივერსიტეტის გუნდი ,,კოზანოსტრა“ და ქუთაისის უნივერსიტეტის გუნდი ,,კრედიტორები“. ნახევარ ფინალში გადავიდა ,,ადრენალინი“ და ,,კოზანოსტრა“, რომელიც ხვალ გაიმართება იმავე დროსა და ადგილას. ფინალი გაიმართება 26 ივნისს, სადაც გამოვლინდება საუკეთესო მონაწილე და გამარჯვებული გუნდი, რომლებიც მიიღებენ ფულად ჯილდოს. ღონისძიება მიჰყავდა ნიკა მახვილაძეს. ჟიურში იყვნენ აკაკი წერეთლის სახელმწიფო უნივერსიტეტის ფინანსური და მატერიალური რესურსების მართვის უფროსი კახა კუპატაძე, იმერეთის მან-სან-კანის ფედერაციის პრეზიდენტი გიორგი ხურციძე, ჟურნალისტი დათო ლიკლიკაძე და ,,პიკასოს ბიჭების“ წევრი გია ტაბიძე.

მასტერფის საქართველოსა და კაინექსის ორგანიზებით თბილისის სახელმწიფო სამედიცინო უნივერსიტეტში გაიმართა ,,მრგვალი მაგიდა მშვიდობიანი თანაცხოვრებისთვის #2“. შეხვედრის მთავარი თემა იყო უცხოელი სტუდენტებისა და,ზოგადად, უცხოელების ინტეგრაციის პროცესი ქართულ საზოგადოებაში.