თვე-ნახევარია რაც სეუ-ში თვითმმართველობის პრეზიდენტი შეიცვალა. ამჟამინდელი პრეზიდენტი გიორგი გაბუნია მისი წინამორბედის შაკო მესხის გუნდის წევრია. როგორც შაკო ამბობს, მისი პრეზიდენტობის დროს სტუდენტებთან ურთიერთობა პირველ რიგში იყო საქმიანი: "ჩემი დამოკიდებულება სტუდენტებთან ყოველთვის იყო მშვიდი და მეგობრული. შესაბამისად, მთელი თვითმმართველობა მუშაობდა ამ პრინციპით და ამ დამოკიდებულებას სეუ–ს თითოეული სტუდენტი დაგიდასტურებთ".

„განსხვავებული შესაძლებლობის მქონე სტუდენტებისთვის ყველა სართულზეა საპირფარეშო. გარდა ამისა, ლიფტებიც მორგებულია და სწავლის პროცესში ასეთი სტუდენტებისთვის მაქსიმალურად ხდება ხელშეწყობა“.

საქართველოს ტექნიკურ უნივერსიტეტში ლექციების გაცდენასთან უფრო მეტად სემესტრის დასაწყისი ასოცირდება. პერიოდი, სანამ ცხრილები მოწესრიგდება. მაშინ, როდესაც ტექნიური უნივერსიტეტის სტუდენტებს ვესტუმრეთ, ლექცია უცდებოდათ, თუმცა, მათი თქმით, ლექციების გაცდენა ცხრილში შექმნილმა პრობლემებმა გამოიწვია და იმედი გამოთქვეს, რომ მომდევნო დღეს მაინც არ მოუწევდათ უნივერსიტეტში ტყუილად მისვლა.

შოთა რუსთაველის თეატრისა და კინოს სახელმწიფო უნივერსიტეტი მობილობას წელიწადში მხოლოდ ერთხელ აცხადებს და აქ ჩარიცხვის წესიც ბევრად განსხვავდება სხვა უნივერსიტეტების მობილობის წესებისგან. სტუდენტს, რომელსაც თეატრალურში სწავლის გაგრძელება სურს, აუცილებლად უნდა გაიაროს შიდა ტური, რომელიც შემოქმედებითია.

ჩვენი საუბარი თეატრალური უნივერსიტეტის სტუდენტებთან სილაბუსებზე ნახევრად იუმორის ჭრილში წარიმართა: "სილაბუსები? რა არის სილაბუსი?!", "ჰკითხეთ აბა სხვებს, რა არის სილაბუსი-ო? ვნახოთ, რას გეტყვიან", "მგონი არც არავინ კითხულობს, ლექტორი მისდევს თუ არა სილაბუსს" - ასეთი იყო მათი რეპლიკები.

შოთა რუსთაველის სახელობის თეატრისა და კინოს სახელმწიფო უნივერსიტეტში ამ დრომდე არ არსებობს ელექრონული ბაზები. როგორც სტუდენტები ამბობენ, უნივერსიტეტში ეს ამ ეტაპზე ერთ-ერთი ყველაზე დიდი პრობლემაა, რომლის გამოც ძალიან ზარალდებიან.

საზღვარგარეთთან ურთიერთობა აქვს, თუმცა, გაცვლითი პროგრამების მიმართულებით არა. როგორც შოთა რუსთაველის თეატრისა და კინოს სახელმწიფო უნივერსიტეტის საზოგადოებასთან ურთიერთობის მენეჯერი ჯაბა სიხარულიძე ამბობს, არ აქვს იმიტომ, რომ ამის საჭიროება უნივერსიტეტის სპეციფიკიდან გამომდინარე არ არსებობს: „ჩვენ კონკრეტულად ისეთი სახელწოდების დეპარტამენტი, როგორიც არის გაცვლითი პროგრამები, არ გვაქვს იმიტომ, რომ ამის აუცილებლობა არ არის.

საქართველოს შოთა რუსთაველის თეატრისა და კინოს სახელმწიფო უნივერსიტეტის მისია პუნქტებადაა დაყოფილი, რომელთაგან რამდენიმე პუნქტი სტუდენტების პრაქტიკულ კურსს ეხება, კერძოდ:

• პროფესიული საგანმანათლებლო პროგრამებისა და კურსების დანერგვით პრაქტიკულ მუშაობაზე ორიენტირებული სახელოვნებო განათლების მიღების შესაძლებლობა;
• მჭიდრო თანამშრომლობა სხვა სახელოვნებო საგანმანათლებლო დაწესებულებებთან, სასწავლო პროგრამებზე ინფორმაციის ურთიერთგაცვლა, მიღწევების გაზიარება და რეკომენდაციის გაცემა;
• შემოქმედებითი აზროვნებისა და პროცესისათვის სამუშაო სივრცის გამოყოფა; შემოქმედებით პრაქტიკაზე ორიენტირებული თეორიული კვლევების წახალისება;

„სამხატვრო აკადემიის დამთავრების შემდეგ ხატვის გაგრძელება რთულია, გიწევს სახელოსნოს ქირაობა, რაც ძალიან ძვირი ჯდება, ამას ემატება მასალა, რაც ხატვისთვისაა საჭირო და როცა ნახატი არ იყიდება, ამ სფეროში მუშაობაც შეუძლებელი ხდება“ - 26 წლის ინგა ბატატუნაშვილი აკადემიადამთავრებული ის ერთ-ერთი სტუდენტია, რომელიც ამ პრობლემის წინაშე დგას.

შოთა რუსთაველის თეატრისა და კინოს უნივერსიტეტის ბიბლიოთეკა 1939 წელს შეიქმნა. 1949 წელს რუსთაველის თეატრში მომხდარი ხანძრის გამო ბიბლიოთეკამ მნიშვნელოვანი ზარალი განიცადა, თითქმის განადგურდა წიგნადი ფონდი. ამ ფაქტის გამო უნივერსიტეტს წიგნების ახლიდან შეგროვება მოუწია.